News
30/08/2023 136
ചന്ദ്രനിൽ സൾഫർ സാനിധ്യം
Chandrayaan-3: ദക്ഷിണധ്രുവത്തിനടുത്തുള്ള ചന്ദ്രോപരിതലത്തില്‍ ചന്ദ്രയാന്‍ മൂന്നിന്റെ പ്രഗ്യാന്‍ റോവര്‍ സള്‍ഫര്‍ സാന്നിധ്യം സ്ഥിരീകരിച്ചതായി ഇസ്രോ അറിയിച്ചു. 'ഇന്‍-സിറ്റുവിലെ ശാസ്ത്രീയ പരീക്ഷണങ്ങള്‍ തുടരുകയാണ്... റോവറിലെ ലേസര്‍ ഇന്‍ഡൂസ്ഡ് ബ്രേക്ക്ഡൗണ്‍ സ്‌പെക്ട്രോസ്‌കോപ്പ് (LIBS) ഉപകരണം ദക്ഷിണ ധ്രുവത്തിലെ ചന്ദ്രോപരിതലത്തില്‍ സള്‍ഫറിന്റെ (S) സാന്നിധ്യം സ്ഥിരീകരിക്കുന്നു' ഇസ്രോ എക്‌സില്‍ (ട്വിറ്റര്‍) കുറിച്ചു.
ചന്ദ്രന്റെ ദക്ഷിണധ്രുവ മേഖലയില്‍ ഹൈഡ്രജന്‍ കണ്ടെത്താനുള്ള ശ്രമം തുടരുകയാണെന്നും ബഹിരാകാശ ഏജന്‍സി അറിയിച്ചു. പ്രതീക്ഷിച്ചിരുന്നതുപോലെ അലൂമിനിയം, കാത്സ്യം, ഫെറസ്, ക്രോമിയം, ടൈറ്റാനിയം, മാംഗനീസ്, സിലിക്കണ്‍, ഓക്‌സിജന്‍ എന്നിവയും പ്രഗ്യാന്‍ റോവര്‍ കണ്ടെത്തിയതായി ഇസ്രോ സോഷ്യല്‍ മീഡിയ പോസ്റ്റിലൂടെ അറിയിച്ചു. ലേസര്‍ പള്‍സ് ഉപയോഗിച്ച് ധാതുക്കളുടെ ഘടന അളക്കുന്ന ഒരു ശാസ്ത്ര സാങ്കേതികതയാണ് LIBS.
സൗരോര്‍ജ്ജത്തില്‍ പ്രവര്‍ത്തിക്കുന്ന പ്രഗ്യാന്‍ റോവറും വിക്രം ലാന്‍ഡറും ശാസ്ത്രീയ പരീക്ഷണങ്ങള്‍ തുടരുന്നതിനാല്‍, ദൗത്യം ഏഴ് ദിവസം കൂടി നീണ്ടുനില്‍ക്കാന്‍ സാധ്യതയുണ്ടെന്നാണ് കരുതുന്നത്. ലാന്‍ഡറില്‍ നിന്ന് വേര്‍പെട്ടതിന് ശേഷം, റോവര്‍ ഏകദേശം എട്ട് മീറ്റര്‍ ദൂരം പിന്നിട്ടു. ലാന്‍ഡിംഗ് സൈറ്റിന് ചുറ്റുമുള്ള പ്രദേശത്ത് റോവര്‍ ഇനിയും പര്യവേക്ഷണം ചെയ്യുന്നത് തുടരുമെന്നാണ് പ്രതീക്ഷിക്കുന്നത്. ചന്ദ്രനിലെ പൊടിപടലങ്ങളുടെയും ചരലിന്റെയും രാസഘടന പരിശോധിക്കുക എന്നതാണ് റോവറിന്റെ പ്രാഥമിക ലക്ഷ്യങ്ങളിലൊന്ന്.
ചന്ദ്രോപരിതല താപനില അളന്ന് ചന്ദ്രയാന്‍ 3 ന്റെ വിക്രം ലാന്‍ഡര്‍
Chandrayaan-3: ഇന്ത്യയുടെ അഭിമാന ദൗത്യം ചന്ദ്രയാന്‍ 3 ന്റെ വിക്രം ലാന്‍ഡര്‍ ചന്ദ്രന്റെ ഉപരിതലത്തില്‍ പ്രവര്‍ത്തനം തുടരുകയാണ്. ഓഗസ്റ്റ് 23 ന് ചന്ദ്രോപരിതലത്തില്‍ ഇറങ്ങിയ പേടകം പരീക്ഷണങ്ങള്‍ നടത്തുകയും വിലപ്പെട്ട വിവരങ്ങള്‍ ഇസ്രോ ആസ്ഥാനത്തേക്ക് അയക്കുകയും ചെയ്യുന്നുണ്ട്.
ചന്ദ്രയാന്‍-3 ദൗത്യത്തിന്റെ പ്രധാന ഘടകങ്ങളിലൊന്നാണ് വിക്രം ലാന്‍ഡറിലെ ചന്ദ്രന്റെ ഉപരിതല തെര്‍മോഫിസിക്കല്‍ എക്‌സ്പിരിമെന്റ് (ChaSTE) പേലോഡ്.
പേലോഡില്‍ നിന്നുള്ള ആദ്യ നിരീക്ഷണങ്ങള്‍ ഇസ്രോ പുറത്തുവിട്ടു. വിവിധ ആഴത്തിലുളള, ചന്ദ്രോപരിതലത്തിന്റെയും ഉപരിതലത്തിന് സമീപമുളള സ്ഥലത്തിന്റെയും താപനില വ്യതിയാനങ്ങള്‍ ചിത്രീകരിക്കുന്ന ഒരു ഗ്രാഫാണ് പുറത്തുവന്നിരിക്കുന്നത്. ചന്ദ്രന്റെ ദക്ഷിണധ്രുവത്തില്‍ ഇത്തരമൊരു ഗ്രാഫ് ആദ്യമായാണ് അടയാളപ്പെടുത്തുന്നത്.
/sathyam/media/media_files/H3ozTzYnrABqGNSFxkOC.jpeg)
.jpg?$p=21469c6&f=16x10&w=852&q=0.8)
