• Video
• Image

India’s oil import plans: സാധ്യമായ ഏറ്റവും കുറഞ്ഞ വിലയ്ക്ക് എണ്ണ നല്‍കുന്ന എല്ലായിടത്തുനിന്നും ഇന്ത്യ എണ്ണ വാങ്ങുമെന്ന് പെട്രോളിയം മന്ത്രി ഹര്‍ദീപ് സിങ് പുരി. കഴിഞ്ഞ വര്‍ഷം യുക്രെയ്ന്‍ അധിനിവേശത്തെത്തുടര്‍ന്ന് പാശ്ചാത്യ രാജ്യങ്ങള്‍ ഇറക്കുമതി നിയന്ത്രണങ്ങള്‍ ഏര്‍പ്പെടുത്തിയതിന് ശേഷവും ഇന്ത്യ റഷ്യയില്‍ നിന്നാണ് കുറഞ്ഞ വിലയ്ക്ക് ക്രൂഡ് ഓയില്‍ വാങ്ങുന്നത്. ഇന്ത്യയുടെ ഏറ്റവും വലിയ എണ്ണ വിതരണക്കാരാണ് റഷ്യ. 

'ഞങ്ങളുടെ തുറമുഖങ്ങളില്‍ ഏറ്റവും കുറഞ്ഞ വിലയ്ക്ക് എണ്ണ എത്തിക്കുന്നിടത്തോളം കാലം ഞങ്ങള്‍ കിട്ടുന്നിടത്ത് നിന്ന് എണ്ണ വാങ്ങും' ഹര്‍ദീപ് സിങ് പുരി പറഞ്ഞു. ലോകത്തിലെ ഏറ്റവും വലിയ മൂന്നാമത്തെ എണ്ണ ഇറക്കുമതി രാജ്യവും ഉപഭോക്താവുമായ ഇന്ത്യ, 80 ശതമാനത്തിലധികം എണ്ണ വാങ്ങുന്നതും വിദേശത്തു നിന്നാണ്.

യുണൈറ്റഡ് അറബ് എമിറേറ്റുകളുമായുള്ള രൂപയുടെ വ്യാപാരത്തെക്കുറിച്ചുള്ള ചോദ്യത്തിന്, യുഎഇയുമായി എണ്ണ മേഖലയിലെ ഇടപാടുകള്‍ വളരെ കുറവാണെന്നാണ് മന്ത്രി പറഞ്ഞത്. 
ജൂലൈയില്‍ ഡോളറിന് പകരം രൂപയില്‍ വ്യാപാരം സുഗമമാക്കാന്‍ ഇരുരാജ്യങ്ങളും ധാരണയിലെത്തിയിരുന്നു .