• Video
• Image

ഓണക്കാലത്ത് കോടികള്‍ കൊയ്ത് ബിവ്‌റേജസ് കോര്‍പറേഷന്‍. ഇത്തവണയും 'ജവാന്‍' ബ്രാന്‍ഡാണ് ഏറ്റവും കൂടുതല്‍ വിറ്റഴഞ്ഞത്. കഴിഞ്ഞ പത്ത് ദിവസത്തിനിടെ ആറ് ലക്ഷത്തി മുപ്പതിനായിരം ലിറ്റര്‍ ജവാന്‍ വിറ്റെന്നാണ് കണക്ക്. വില കുറവാണെന്നത് കൂടിയാണ് ജവാനെ ജനപ്രിയമാക്കുന്നത്. 

ഇത്തവണയും ഓണക്കാലത്ത് റെക്കോര്‍ഡ് മദ്യവില്‍പ്പനയാണ് നടന്നത്. ഇന്നലെ വരെ പത്ത് ദിവസം 757 കോടിയുടെ മദ്യമാണ് സംസ്ഥാനത്തെ വിവിധ ബെവ്കോകളില്‍ നിന്നും വിറ്റഴിച്ചത്. കഴിഞ്ഞ വര്‍ഷം 700 കോടിയുടെ മദ്യമാണ് വിറ്റത്. ഉത്രാടദിനത്തില്‍ സംസ്ഥാനത്ത് ബെവ്‌കോ വഴി 116 കോടിയുടെ മദ്യം വിറ്റു. ഏറ്റവും കൂടുതല്‍ മദ്യവില്‍പ്പന നടന്നത് ഇരിങ്ങാലക്കുട ഔട്ട്‌ലെറ്റിലാണ്. 1.06 കോടി രൂപയുടെ മദ്യമാണ് ഇവിടെനിന്നു വിറ്റത്. 1.01 കോടി രൂപയ്ക്കു മദ്യവില്‍പ്പന നടന്ന കൊല്ലം ആശ്രമം പോര്‍ട്ടാണ് രണ്ടാം സ്ഥാനത്ത്.ചങ്ങനാശ്ശേരിയില്‍ 95 ലക്ഷത്തിന്റെ മദ്യം വിറ്റു. അവിട്ടം ദിനമായ ഇന്നലെ 91 കോടി രൂപയുടെ മദ്യമാണ് ബെവ്കോ വിറ്റത്. തിരുവോണദിനത്തിലും ചതയ ദിനത്തിലും ബെവ്കോ ഔട്ട്ലെറ്റുകള്‍ക്ക് അവധിയാണ്.