• Video
• Image

പത്താൻകോട്ട് ആക്രമണത്തിന്റെ മുഖ്യ സൂത്രധാരനും ഇന്ത്യയുടെ കുപ്രസിദ്ധ ഭീകരരിൽ ഒരാളുമായ ഷാഹിദ് ലത്തീഫ് കൊല്ലപ്പെട്ടു. പാക്കിസ്ഥാനിലെ സിയാൽകോട്ടിൽ അജ്ഞാതരുടെ വെടിയേറ്റാണ് മരണം. 41 കാരനായ ലത്തീഫ് നിരോധിത ഭീകര സംഘടനയായ ജെയ്‌ഷെ മുഹമ്മദ് (ജെഇഎം) അംഗവും 2016 ജനുവരി രണ്ടിന് ആരംഭിച്ച പടാൻകോട്ട് ആക്രമണത്തിന്റെ പ്രധാന സൂത്രധാരനുമാണ്. 

സിയാൽകോട്ടിൽ നിന്നുള്ള ആക്രമണം ഏകോപിപ്പിച്ചതും അത് നടപ്പിലാക്കാൻ നാല് ജെയ്‌ഷെ ഇഎം ഭീകരരെ പത്താൻകോട്ടിലേക്ക് അയച്ചതും ലത്തീഫായിരുന്നു.

ഇന്ത്യൻ സർക്കാർ തീവ്രവാദ പട്ടികയിൽ ഉൾപ്പെടുത്തുകയും, നിയമവിരുദ്ധ പ്രവർത്തനങ്ങൾ (യുഎപിഎ) പ്രകാരമുള്ള കേസിൽ ദേശീയ അന്വേഷണ ഏജൻസി അന്വേഷിക്കുകയും ചെയ്തയാളാണ് ലത്തീഫ്.

നിയമവിരുദ്ധ പ്രവർത്തനങ്ങൾ (യുഎപിഎ) പ്രകാരം തീവ്രവാദ കുറ്റങ്ങൾ ചുമത്തി 1994 നവംബറിൽ ഇന്ത്യയിൽ അറസ്റ്റ് ചെയ്യപ്പെട്ട ലത്തീഫ്, പിന്നീട് വിചാരണയ്ക്ക് വിധേയനാകുകയും ഒടുവിൽ ജയിലിൽ അടയ്ക്കപ്പെടുകയും ചെയ്തു. തുടർന്ന് 16 വർഷത്തെ ജയിൽവാസത്തിന് ശേഷം 2010ലാണ് ലത്തീഫിനെ പാക്കിസ്ഥാനിലേക്ക് വാഗാ വഴി നാടുകടത്തിയത്. പിന്നീട് 1994 നവംബർ 12-ന് വീണ്ടും അറസ്റ്റ് ചെയ്യപ്പെട്ടു.
1999ൽ ഇന്ത്യൻ എയർലൈൻസ് വിമാനം റാഞ്ചിയ കേസിലും ലത്തീഫ് പ്രതിയായിരുന്നു.

2010-ൽ മോചിതനായ ശേഷം ലത്തീഫ് പാകിസ്ഥാനിലെ ജിഹാദി ഗ്രൂപ്പിൽ തിരിച്ചെത്തിയതായി ദേശീയ അന്വേഷണ ഏജൻസി (എൻഐഎ) അന്വേഷണത്തിൽ പറയുന്നു. ഇന്ത്യൻ സർക്കാർ ലത്തീഫിനെ പിടികിട്ടാപ്പുള്ളിയായി പ്രഖ്യാപിച്ചിരുന്നു.